Сөздүк жөнүндө
Биздин платформага кош келиңиз! Бул арабча-кыргызча онлайн сөздүк сиздин араб тилин үйрөнүү жолуңузду жеңилдетүү жана баалуу убактыңызды үнөмдөө максатында түзүлдү. Биздин платформа — кыргыз тилдүү окурмандар үчүн араб сөздөрүнүн чексиз океанын, грамматикалык өзгөчөлүктөрүн жана кылымдарды карыткан бай илимий мурастарды ачкан заманбап санариптик көпүрө.
Башкы максатыбыз
Платформанын түпкү максаты — коммерциялык пайда табуу эмес. Биздин негизги милдетибиз — илим жолунда талыкпай эмгектенип жаткан инсандарга көмөк көрсөтүү жана эне тилибиздеги сапаттуу электрондук ресурстардын жетишсиздигин толтуруу.
Келечектеги пландарыбыз
Биз жетишилген натыйжалар менен чектелип калбастан, долбоорду андан ары өркүндөтүү үстүндө үзгүлтүксүз иштеп жатабыз:
- ✦ Сөздүк базасын кеңейтүү: Классикалык адабий тилдеги (фусха) сөздөрдү, заманбап терминдерди жана морфологиялык өзгөчөлүктөрдү кошуу менен маалымат базасын системалуу түрдө байытуу.
- ✦ Мобилдик тиркемелерди иштеп чыгуу: Сөздүктү каалаган убакта жана каалаган жерде колдонуу ыңгайлуу болушу үчүн Android жана iOS платформаларында заманбап мобилдик тиркемелерди түзүү.
Агартуу ишине өз салымыңызды кошуңуз
Бул сооптуу долбоордун туруктуу иштешин жана андан ары өнүгүшүн камсыз кылуу үчүн техникалык ресурстар талап кылынат. Эгерде сиз билимдин жайылышына жана бул агартуучулук ишке ортоктош болууну кааласаңыз, өз ыктыярыңыз менен долбоорго салым кошо аласыз.
Сиздин колдооңуз кайда жумшалат?
Бизге көрсөтүлгөн ар бир каржылык жардам долбоордун өнүгүшүнө жана анын үзгүлтүксүз, туруктуу иштешине гана жумшалат. Сиздин салымыңыз төмөнкү багыттарды каржылоого багытталат:
Сервер жана техникалык чыгымдар
Сайттын күнү-түнү үзгүлтүксүз, тез жана коопсуз иштешин камсыз кылуучу серверлерди (хостинг) жана доменди туруктуу колдоп туруу.
Мобилдик тиркемелерди иштеп чыгуу
Сөздүктү Android жана iOS платформаларында ишке киргизүү, программалоо жана тиркемелер дүкөндөрүнө (Google Play, App Store) жайгаштыруу чыгымдары.
Маалымат базасын кеңейтүү
Жаңы араб сөздөрүн, терминдерди, фразеологизмдерди жана грамматикалык эрежелерди туруктуу түрдө изилдеп, базаны системалуу түрдө толтуруп туруу.
Платформаны өнүктүрүү жана дизайн
Колдонуучуларга сайтты колдонуу дагы да ыңгайлуу болушу үчүн заманбап функцияларды кошуу, интерфейсти (дизайнды) жакшыртуу жана техникалык каталарды өз убагында оңдоо.
